Thatësira ka plasur në kënetat historike të Irakut, ndërsa Raheem Noor Dawood shikonte i pafuqishëm teksa buallicat e tij të ujit u sëmurën dhe vdiqën.

“Kemi kaluar vite të vështira më parë, por thatësira dhe temperatura e lartë që kemi parë këtë vit ishin të pakrahasueshme,” tha Dawood, 57, për The National, transmeton portal arbresh.info

Vite më parë ai ka bërë një jetë të qëndrueshme.

Familja e tij e madhe e përbërë nga 35 anëtarë ishte vendosur në një zonë ku uji i ëmbël ishte i bollshëm për buallet e tyre, burim kryesot jetese për arabët e kënetës, si dhe për peshqit dhe zogjtë.

“Por thatësira këtë vit e ka kthyer jetën tonë përmbys,” tha zoti Dawood. “Ne kemi lëvizur nga një vend në tjetrin duke kërkuar ujë të freskët dhe bar për bagëtitë tona.”

Iraku po përballet me krizën e tij më të keqe mjedisore, me mungesa akute të ujit dhe ndryshimet klimatike që ndikojnë në sigurinë ushqimore dhe jetën e përditshme të irakianëve, duke shtuar vështirësitë endemike të vendit.

Për shkak të thatësirës, fermerët në Irak janë duke luftuar me mungesën e ujit.

Vendi pritet të regjistrojë një rritje prej 2ºC në temperatura dhe një rënie të mëtejshme 9 për qind të reshjeve deri në vitin 2050, sipas Portalit të Njohurive për Ndryshimet Klimatike, një qendër për informacionin, të dhënat dhe mjetet e lidhura me klimën për Grupin e Bankës Botërore.

Komunitetet e cenueshme që mbështeten në bujqësi, blegtori dhe peshkim mbajnë peshën kryesore të efekteve kur nuk ka mbështetje nga qeveria.

Aktivisti mjedisor Ayad Al Assadi fajësoi reshjet e dobëta të shiut, temperaturat në rritje që kanë çuar në nivele të paprecedentë avullimi dhe diga në rrjedhën e sipërme në Turqi dhe Iran për thatësirën në kënetat.

Që nga fundi i prillit të vitit të kaluar, ligatinat në Irakun jugor dhe juglindor kanë humbur 60 centimetra në thellësi dhe rreth 34 për qind e sipërfaqes totale, rreth 4000 kilometra katrorë, është goditur nga thatësira, duke ndikuar në biodiversitetin dhe jetesën, thotë Al Assadi, i cili shton se thatësira ka sjellur skena të tmerrshme në vend.

Gjatë luftës së viteve 1980-1988 me Iranin, Saddam Husseini thau kënetat për të lehtësuar lëvizjen e ushtrisë dhe në vitet 1990 regjimi filloi një fushatë tjetër pasi akuzoi arabët e kënetës për mbështetjen e një kryengritjeje shiite të vitit 1991.

Më pas, Dawood u zhvendos në veri me bagëtinë e tij, jashtë qytetit të Kirkukut dhe në zonat në Irakun qendror përpara se të kthehej në atdheun e tij, i cili u përmbyt pas pushtimit të udhëhequr nga SHBA në vitin 2003 që rrëzoi regjimin e Huseinit.

Ai deri më tani ka humbur pesë nga buallicitë e tij për shkak të mungesës së barit dhe kripës së lartë. Ai bën udhëtime të përditshme në qytetin e afërt për të blerë ujë të pijshëm dhe ushqime për to.

Iraku ka regjistruar nivelin më të ulët të reshjeve të shiut në 40 vite, sipas një raporti të lëshuar nga Organizata e Ushqimit dhe Bujqësisë.

Raporti analizoi periudhën midis nëntorit 2020 dhe majit 2021 për të përcaktuar ndikimin e pandemisë Covid-19 në sigurinë ushqimore në Irak, me një seksion të veçantë për mungesën e ujit.

Efektet e pritshme ekonomike të prodhimit nënmesatar të drithërave në vitin 2021, thekson raporti janë: humbja e të ardhurave, rritja e çmimeve të ushqimit të elbit dhe produkteve të tjera ushqimore për blegtorinë për prodhuesit blegtoral.

Sipas banorëve të Irakut, situata për shkak të ndryshimeve klimatike pritet të përkeqësojë edhe më shumë jetën e tyre./arbresh.info/